Nuacht Litir 30/31-1-2021

Satharn 30ú & Domhnach 31ú Eanair 2021
Ceathrú Domhnach de Thráth Saor na Bliana

A fuair bás le déanaí
Timmy Ó hÉalaithe Cnoic an Iúir
Mary Bn Uí Chríodáin (Ní Thuama) Cnoc Sathairn, Cill na Martra
Cara Ó Sullivan. Dubhglas, Corcaigh
Bernadette O’Sullivan. Oileán Béara

A fuair bás an taca seo den bhliain
Eibhlín Bn. Uí Chuill ,Barr d’ Ínse
Jerry J. Ó Cuill , Astráil/Bárr d’ Ínse

Domhnal Ó Riordáin Doirín Áluinn
Kathy agus John Ó Tuama, Na h-Ulláin Thiar
Treasa Ní Mhuimhneacháin Gort na Scairte
Máire Ní Loinsigh Cúil Aodha
Lúc Verling, Barr a’ Doire An Cheathrú Rua
Jamsie Cooney, Cill Na Martra
Timmie & Nell Cooney Cill Na Martra
Margaret agus Micheal Moynihan Cúil Aodha
Micheal agus Síle Murphy Baile Mhuirne
Peter Hyde, Cill na Martra & An Carraig Dubh

 

LÁ LE BRÍDE – Céad Lá Feabhra
Paidir Naomh Bríd
A Naomh Bríd, a Mhuire na nGael,
scar orainn do bhrat, 
A Naomh Bríd, a chroí na féile,
stiúir sinn ar an mbóthar ceart,
A Naomh Bríd gheanúil ghrástúil,
ar ár namhaid cosain sinn,
A Naomh Bríd, a bhean railta álainn,
ar uair ár mbáis glaoigh orainn.

Naomh Bríd, Muire na nGael (Scríofa ag Betsy Ní Shuibhne)

Rugadh Naomh Bríd i gContae Lú timpeall 452. Tá áit speisialta ag Bríd i gcroí muintir na hÉireann gur ainmníodh í mar phatrún orainn, chomh maith le Naomh Pádraig agus Naomh Cholmcille.
Sí patrún na bhfeirmeoirí í leis, pátrún ar ainmhithe na feirme agus obair dhéiríochta, aon rud go raibh baint aige le bainne, im nó cáis. Tá sí mar phatrún ar scoláirí scoile agus ar fhilí chomh maith. Deirtear go bhfuil leigheas do shúile tinne i dtoibreacha a bhí ainmnithe ina honóir.
Bhunaigh a príomh Clochar i gCill Dara agus deirtear gur bhunaigh dhá cheann eile ar a laghad. Tá Cloigtheach (round tower) agus Crois tóghta ina honóir i gCill Dara.
Brat Bríde Ar bhigil na féile cuirtear ribín nó píosa éadaigh ar leac na fuinneoige nó ar thor agus deirtear go mbeannaíonn Brid an brat ar a taisteal ar fuaid na tíre agus cuirtear i dtaisce é mar leigheas ar thinneas cinn nó breoiteachtaí eile.
Crois Bríde Tráth bhí Bríd ag tabhairt aire do cheannaire págánach, faid a bhí sí ina suí in aice leis thosnaigh sí ar an luachair a bhí ar an dtalamh a fhigh i bhfoirm croise agus í ag paidreoireacht léi. D’oscail an fear a shúile agus d’iarr uirthe cad a bhí ar siúl aici. Mhínigh sí dó traidisiún na croise agus conas mar a fuair ár Slánaitheoir bás ar an gcrois. Bhí an t-uasal chomh tógtha san léi gur iarr sé go mbaistfí é sar a bhfuair sé bás. Deintear a lá fhéile a cheiliúradh gach bliain go mór mhór le cros Bríde a dhéanamh agus crochtar é sa tig.
Ba féile págánach ceilteach féile Imbolg, féile ag ceiliúradh teacht an Earraigh agus deineadh feile Críostaíochta den lá ó aimsir Bríde. Dúirt Naomh Bríd go mbeadh athrú aimsire ón a feile féin amach – “Gachre lá go maith óm lá sa amach agus leath mo lae féinig”.
Bean cumhachtach í ach bhi si caoin-cineálta le gach n-aon a casadh uirthe. Dhein sí a lán taisteal. Bhi ana shuim aici i mbia de gach saghas agus i gcócaireacht agus bhí sí ar fheabhas chuige. Thálach a tréad bó nios mó bainne ná aon tread eile in Éirinn.
Go dtí le déanaí bheadh féasta ullamh do’n fhéile – feóil, bairín breac, ullagáin, císte min- choirce. Glantaí an tig agus thugadh na comharsain cuaird ar a cheile. Fágtaí punann coirce nó eórnan lasmuigh de’n doras dá dhá bó bán agus í ar a turas timpeall na tíre ar an bhigil.

A Bhríd, a Mhuire na nGael
A Bhríd, a Mhuire na nGael,
Fé do bhrat tóg ár náisiún uile,
A Bhríd a Mhuire na nGael, guígh orainn.

D’fhág tú do theaghlach,
Scaip tú an creideamh ‘measc ár sinsear fadó.
Le do chrois luachra, scaip tú dea-scéal Íosa Críost,
Le Pádraig agus Colm Cille,
beannaigh muintir na hÉireann anois agus i gconaí.

Lá Fhéile Naomh Blaise – 3ú Feabhra

Léachtaí an Aifrinn, 31 Eanáir 2021
CÉAD LÉACHT
Sliocht as leabhar Deotranaimí 18:15-20
Ardóidh mé suas fáidh agus cuirfidh mé my bhriathra ma bhéal.
Labhair Maois leis an bpobal á rá: Ardóidh an Tiarna do Dhia suas fáidh mar mise duit ó do lár, ó do bhráithre; tugaigí aird airsean. Sin é a d’iarr tú féin ar an Tiarna do Dhia ag Horaeb, lá an Tionóil. ‘Ná lig dom guth an Tiarna mo Dhia a chlos arís,’ arsa tú, ‘ná an tine mhór seo a fheiceáil a thuilleadh, le heagla go bhfaighinn bás.’ Dúirt an Tiarna liom: ‘Is maith mar a dúradar a bhfuil ráite acu. Ardóidh mé suas fáidh mar thusa dóibh, ó lár a mbráithre; cuirfidh mé mo bhriathra ina bhéal agus inseoidh sé dóibh gach a n-ordaím dó. An té nach dtabharfaidh aird ar na briathra a labhróidh sé i m’ainm, éileoidh mé díoltas air. Ach an fáidh a leomhfaidh focal a labhairt i m’ainmse nár ordaigh mé dhó a labhairt, nó a labhróidh in ainm dé eile, gheobhaidh an fáidh sin bás.’
Briathar Dé.
Salm le Freagra Sm 94
Freagra Á, dá n-éistfeadh sibh lena ghuth inniu: ‘Na calcaigí bhur gcroí.’
1. Tagaigí, déanaimis gairdeas don Tiarna,
tógaimis gártha áthais do Charraig ár slánaithe.
Tagaimis ina láthair le moltaí,
déanaimis gairdeas dó le laoithe. Freagra
2. Tagaigí, adhraimis agus sléachtaimis,
facaimis ár nglúine don Tiarna a rinne sinn.
Óir is é ár nDia é, agus is sinne
pobal a aoireachta agus caoirigh a lámh. Freagra
3. Á, dá n-éistfeadh sibh lena ghuth inniu:
‘Na calcaigí bhur gcroí.’ mar a tharlai Meríba,
mar a tharla an lá úd ag Masa san fhásach
mar ar chuir bhur n-aithreacha cath orm,
mar ar thriail siad mé cé go bhfaca siad m’obair.’ Freagra
DARA LÉACHT
Sliocht as an dara litir Coirintigh 7:32-35
Bíonn an bhean shingil buartha faoi chúrsa an Tiarna d’fhonn bheith naofa.
A bhráithre, Is amhlaidh ba mhaith liom sibh a bheith saor ó imní. Bíonn an fear singil buartha faoi ghnóthaí an Tiarna ag iarraidh an Tiarna a shásamh; ach bíonn an fear pósta buartha faoi ghnóthaí an tsaoil ag iarraidh a bhean a shásamh, rud a fhágann é i ngalar na gcás. Ar an gcuma chéanna bíonn an bhean singil nó an cailin óg buartha faoi chúrsaí an Tiarna d’fhonn a bheith naofa idir chorp agus anam; ach bíonn an bhean phósta buartha faoi chúrsaí an tsaoil ag iarraidh a fear a shásamh. Is ar mhaithe libh a deirim an méid seo, agus ní ag iarraidh laincis a chur oraibh atáim, ach le go mbeadh gach ní ina cheart, agus go bhfónfadh sibh don Tiarna gan cur isteach ná amach oraibh.
Briathar Dé.
Alleluia Véarsa Eo 14: 23
Alleluia, alleluia!
“Má bhíonn grá ag duine dom,” ar sé leis,
“coinneoidh sé mo bhriathar,
agus beidh grá ag m’Athair dó,
agus tiocfaimid chuige.’
Alleluia!
SOISCÉAL
Sliocht as an Soiscéal naofa de réir Naomh Marcas 1:21-28
BhI sé a dteagasc mar a bheadh duine a mbeadh údarás aige.
San am sin chuaigh Íosa isteach i gCafarnáum. Agus lá na sabóide féin, ar dhul isteach satsionagóg dó, thosaigh sé ag teagasc.Agus bhí ionadh orthu faoina theagasc; á dteagasc a bhí sé mar dhuine a mbeadh údarás aige, níorbh ionann agus na scríobhaithe.
Bhí, san am sin, duine sa tsionagóg a raibh smacht ag spiorad míghlan air, agus scread sé amach: “Há, cad ab áil leat dínn, a Íosa Nazairéanaigh? Chun ár millte a tháinig tú. Is eol dom cé hé thú: Naomh Dé.” Labhair Íosa leis go bagrach: “Bí i do thost, agus gabh amach as.” Bhain an spiorad míghlan rachtaí as an duine, ghlaoigh amach go hard agus d’imigh as. Agus bhí alltacht chomh mór sin ar chách go raibh siad ag fiafraí dá chéile: “Cad é an rud é seo?” deiridís: “teagasc nua á dhéanamh le húdarás;
na spioraid mhíghlana féin, fógraíonn sé orthu agus déanann siad rud air.” Agus níorbh fhada gur leath a chlú go fada gearr ar fud cheantar uile na Gailíle.
Soiscéal Dé.

Leave a Comment